د. مارك سنكلير انتقل عيادة جديدة

السلام عليكم ورحمة الله وبركاته
شخباركم وشو العلاج مع عيالكم ، كان موعد ولدي اول الشهر مع الدكتور وهذي اول مرة يشوفه يمشي بعد العلاج
فحص رجله وقالي سويله تمارين عشان مرونة القدم وطمني عليه الحمدالله
وحبيت ابشركم ان الله رزقني ببنت الحمدالله صار لحمدان اخت يلعب معاها
بغيت اخبركم ان الدكتور انتقل الى مركز الاطفال الطبي children's medical centre وهذا رقمه 043282664

مبارك العروس الجديده ام حمدان وانشاالله تتربى بعزكم يا رب
كيف مع حمدان مع اخته في تاقلم ولا مأزمه الامور مثل محمد وجنى

الله يبارك فيك وفي عيالك
حمدان الله يحفظه بعده صغير مب فاهم انها اخته يفكرها لعبه يستانس على صوتها لما تصيح ويقلدها في اي شي تسويه
بس مرات يغافلنا ويهجم عليها الله يسلمهم ويخليهم  

ههههههه الله يحفظهم ويخليهم لك ...ترى في البدايه يكون هيك بعد ما يكبر انشالله يصير يفهم ... والله محمد في البدايه جننا لكن خف مع الوقت بس ما يخلى الامر من قرصه او هجوم غادر

[quote="hama"]السلام عليكم ورحمة الله وبركاته
السلام عليك انتي عالجتي ابنك عند الدكتور مارك ؟؟ وكم كلفك العلاج ؟؟ وشو رايك فيه

وكيف هي الوضعيه الصحيحة لحمل الولد بالجبس ؟؟ وسووا لولدك عملية قطع الوتر
؟؟؟؟ومتى سووها ؟؟ وهل كانت مولمة

وعليكم السلام ورحمة الله وبركاته

انا بديت علاج ولدي لما كان عمره شهر تقريبا واول شهر كان العلاج بالجبس بس وتعدل شكل القدم وبعدها سوا عملية قطع الوتر وكانت بسي طة الحمدالله لكن لازم بيتالم لانه جرح وبعده علطول يغطي الجرح ويًحط اخر جبس واخيرا يلبس الجوتي
مع الجبس ما كنانحمله وايد عشان ثقل الجبس ولازم حد يساعدني وقت التبديل وما كنت اغطي الجبس بثياب ولا لحاف عشان ما يحر

الدكتور يتبع بالضبط طريقة بونسيتي بالعلاج ونفس الخطوات والحمدالله توفقنا وتعالجنا عنده لانه شاطر في وضع الجبس لان اهم خطوة هي تعديل القدم بالجبس وبعدين الجوتي انتي لازم تلتزمين بلبسه وبالوقت

بخصوص التكلفة استشارة الدكتور 700 بكل زيارة
والجبس يمكن 100 بكل تبديل
الجوتي 800 والحديدة 1000 يمكن والحديدة ما تتغير اما الجوتي يتغير القياس كل ما يكبر
والعمليه يمكن 1500

[quote="hama"]وعليكم السلام ورحمة الله وبركاته
شكرا على ردك السريع احس اني احتاج اكلم حد عنده نفس المشكله باجر عندي موعد مع الدكتور وباخبرك شو استوى معاي جزاك الله خير بس انتي ليش ماراجعتي اي مستشفى حكومي في دبي ؟؟

السلام عليكم سرت يوم الخميس حق الدكتور وايد ارتحت يوم سرت له وحطى له جبس شوي سوفت بس غااااالي المهم راحتي النفسية وراحة الولد شكرا لكم جميعا بس حبيت اسال اقدر اسوي له ختانه وهوه ف الجبس والا اصبر

مرحبا ام محمد
اتمنى ان ولدج ما انزعج من الجبس الدكتور يستخدم نوع خفيف عشان ما تثقل على رجله بس تحملي لما تشيلينه وتبدلينه
 هو صح العلاج يكلف لكنه يستاهل ومقارنة مع الجراحة طبعا اخف الم ونتايجه اضمن ان شاء الله
وبخصوص الختانه مالها علاقة بالجبس وهي احسن دام الولد صغير وما يتحرك وانا خبروني في مستشفى الكورنيش انهم ينصحون ان يختنون الولد بعد الاربعين
واذا بغيتي شي هذا البن عشان نتواصل 26a8aefb

مرحبا ..

بالنسبه للختان ما له علاقة ابدا ..

حيروني بولدي و تاخرت لشهر و نص تقريبا

ويوم الموعد للختان سألنا الدكتور عن سبب التاخير و خبرناه بالموضوع

و قال ما له علاقة أبدا .. و تختن الولدو صار معرس

و الجبس كان عليه ,, و لا صار شي و لا تأثر والحمدلله ..

توكلوا على الله